ადოლფ ჰიტლერი გერმანელი პოლიტიკოსი და სახელმწიფო მოღვაწე. 1921 წლის 19 ივლისიდან იყო ნსდაპ-ს პარტიული ხელმძღვანელი. 1933 წლის 31 იანვრიდან ნაციონალ-სოციალისტური გერმანიის რაიხკანცლერი, 1934 წლის 2 აგვისტოდან გერმანიის ფიუერი. და შეიარაღებული ძალების მთავარსარდალი. ჰიტლერმა გერმანიაში ნაციონალ-სოციალისტური დიქტატურა დაამყარა, აკრძალა ყველა ოპოზიციური პოლიტიკური პარტია და პოლიტიკური მოწინაღმდეგეების დევნა დაიწყო. ის იყო მეორე მსოფლიო ომის და ჰოლოკოსტის მთავარი ინიციატორი. თავის წარმომავლობას ჰიტლერი პოლიტიკური კარიერის დასაწყისში საიდუმლოდ ინახავდა. მათ ეს არ უნდა იცოდნენ საიდან მოვდივარ მე და როგორი ოჯახის შვილი ვარ.-ამბობდა ის.
